Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 69 Hüküm no: 43 Orijinal metin no: [7b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Beşe’nin kefaletten dolayı Hüseyin’e olan borcunu ödemesi Ma‘rûz; İstanbul’da Muhyiddin mahallesi sâkinlerinden olup koltukçu tâifesinden el-Hâc Hüseyin hasmı Üsküdar sükkânından Abdullah ile mürâfa‘a olduklarında gāib ani’l-meclis Piroğlu Dellâk Mehmed zimmetinde eşyâ-i mütenevvi‘a-i ma‘lûme semeninden yirmi bir buçuk guruş hakkım olmağla târih-i i‘lâm günü medîne-i mezbûrede Hacı Paşa hamamında mezbûr Piroğlu Dellâk Mehmed’den bana deyni olan meblağ-ı merkūmu taleb eylediğimde ol dahi ber-vech-i muharrer deyn-i merkūmu ikrâr ve i‘tirâf etdikden sonra mezbûr Abdullah meblağ-ı merkūm yirmi buçuk guruşa bi’l-emr kefâlet-i sahîha-i şer‘iyye ile kefîl ve dâmin olmağın kefâletine binâ’en taleb ederim deyü ba‘de’d-da‘vâ ve’l-inkâr mûcebince meblağ-ı merkūmu müdde‘î-i mezbûr el-Hâc Hüseyin’e edâ ve teslîme mezbûr Abdullah Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 8 Cumâdelûlâ sene 1154