Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 69 Hüküm no: 44 Orijinal metin no: [8a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid İbrahim’in açtığı lağım kuyusunun komşusuna zarar verdiğinin tespit olunduğu Ma‘rûz; Bi’l-iltimâs taraf-ı şer‘den irsâl olunan Abdullah Efendi dâ‘îleri Üsküdar’da Tembel mahallesinde mahâll-i nizâ‘ın üzerine varıp ba‘de akdi’l-meclis mahalle-i mezbûre sâkinlerinden el-Hâc Veli hasmı es-Seyyid eş-Şeyh İbrahim ile ba‘de’t-terâfu‘ mezbûr es-Seyyid eş-Şeyh İbrahim mütevellîsi olduğu mahalle-i mezbûre mescid-i şerîfi avlusunun derûnunda ihdâs eylediği bi’r-i bâlû‘adan müdde‘î-i mezbûrun mescid-i merkūm duvarı ittisâlinde olan kadîmi bi’r-i mâsına zararı olduğu lede’ş-şer‘ zâhir ve zarar-ı mezkûrun def‘i ihdâs eylediği bi’r-i bâlû‘ayı mahâll-i merkūmdan ref‘ ile olmağın ber-vech-i muharrer zararı def‘e tenbîh eylediğini mahâllinde tahrîr ba‘dehû ümenâ-i şer‘ile gelip inhâ eylediği bi’l-iltimâs huzûr-ı âlîlerine i‘lâm olundu. Fî 8 Cumâdelûlâ sene 1154