Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 71 Hüküm no: 48 Orijinal metin no: [8b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Osman’ın Hasan b. Mehmed’i döverek yaraladığı Ma‘rûz; Üsküdar’da Vâlide-i atîk mahallesinde sâkin ber-vech-i âtî mecrûh idiği ba‘de’l-keşf zâhir [olan] Hasan b. Mehmed hasmı olup Üsküdar’da Selâmi mahallesinde sâkin Ali b. Osman meclis-i şer‘a ihzâr ve muvâcehesinde târih-i i‘lâm günü ba‘de’l-asr Selvilik nâm mahâllinde [mezbûr] Ali araba söğeni ta‘bîr olunur kebîr değnek ile amden arkama darb ve kara bere ve sağ koluma dahi darb ve mecrûh eyledi deyü mûcebini ba‘de’d-da‘vâ ve’l-inkâr müdde‘î-i mezbûr müdde‘âsını lede’t-tezkiye adâletleri zâhir yine medîne-i Üsküdar’da Hâce Hatun mahallesi sâkinlerinden es-Seyyid Ahmed Çelebi b. es-Seyyid Mustafa ve Hasan b. Ali nâm kimesneler şehâdetleriyle vech-i şer‘î üzere isbât etmeğin mûcebince husûs-ı mezbûrda nazar hâle olmayıp me’âle olmağın cerh-i mezkûrun ber’ine tevkīf olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 8 Cumâdelûlâ sene [1]154