Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 70 Hüküm no: 47 Orijinal metin no: [8a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İznikî Eşref’den oğluna kalan arazi için temessük verilmesi Ma‘rûz; Derûn-ı arzuhâlde mezkûr müteveffâ İznikî el-Hâc Eşref’in Üsküdar hâricinde Karaman karyesinde mutasarrıf olduğu arazîsi müteveffâ-yı mezbûrun sulbî kebîr oğlu olduğu sâbit olan Mehmed Latîf nâm kimesneye kānûn-ı kadîm üzere intikāl-i âdî ile intikāl edip sahib-i arzın müstehakk-ı tapu oldu deyü âhara verdiği temessük fuzûlî [ve] hilâf-ı kānûn olmakla bu câiz olmayıp oğlu merkūm içün tarafından bâ-hüccet-i şer‘iyye vekîli olan sahib-i arzuhâl temessük[ün]e tâlib ve ber-vech-i muharrer oğluna intikāl temessükü verilmek iktizâ eylediği bi’l-iltimâs huzûr-ı âlîlerine i‘lâm olundu. Fî 8 Cumâdelûlâ sene 1154