Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 76 Hüküm no: 59 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in Davud’a aid olduğu belirlenen katırı iade etmesi Ma‘rûz; Haleb ahâlîsinden Üsküdar’da Kurubalık Hanı’nda sâkin Mekârî el-Hâc Davud hasmı neccâr tâifesinden Hüseyin muvâcehesinde târih-i i‘lâmdan altı ay mukaddem seksen guruş kıymetli mülküm olan bir sarı kancık katırımı esnâ-i râhda Erikli nâm mahâlde hizmetkârım işbu hazır bi’l-meclis Mehmed’in yedinden cebren ahz ü gasb etmekle aynı mevcûd ise aynını değil ise kıymetini mezbûr Hüseyin’den taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını udûlden es-Seyyid Ahmed b. Osman ve es-Seyyid Mehmed b. Ahmed nâm kimesneler şehâdetleriyle vech-i şer‘î üzere isbât etmeğin mûcebince aynı mevcûd ise aynını değil ise kıymeti olan meblağ-ı merkūm seksen guruşu müdde‘î-i mezbûra edâ ve teslîme mezbûr Hüseyin’e tenbîh olundu. Bi’l-iltimâs huzûr-ı âlîlerine i‘lâm olundu. Fermân men-lehu’l-emrindir. Fî 12 Cumâdelûlâ sene 1154