Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 75 Hüküm no: 58 Orijinal metin no: [10a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın hizmet ettiği Mosik ile aralarında oluşan alacak ve mahsulat davasında sulh oldukları. Ma‘rûz; Üsküdar’da Solak Sinan mahallesi sâkinelerinden derûn-ı arzuhâlde mezkûrü’l-ism Mustafa arzuhâl sahiplerinden Mosik Nasrâniyenin oğlu ve tarafından vekîl-i şer‘îsi Avanes muvâcehesinde Üsküdar hâricinde Kalfa Çeşmesi kurbünde ma‘lûmü’l-hudûd bağına mezbûrenin talebiyle dokuz sene hizmet edip hizmetimin ecr-i mislini taleb eylediğimde vekîl-i merkūm dahi bağ-ı mezkûrun mahsûlünü ben ahz ü kabz eylediğim ecilden dokuz senelik bağ-ı mezbûrun mahsûlünü benden taleb ve da‘vâ, muslihûn tavassutuyla otuz guruş bedel-i makbûza sulh olup husûs-ı mezkûra müte‘allika âmme-i de‘âvî ve mutâlebâtdan gerek müvekkile-i mezbûre Mosik ve gerek oğlu vekil-i mezbûr Avanes ve kızı İva nâm Nasrâniyeden her birinin zimmetlerini ibrâ eylediğimde vekîl-i mezbûr dahi bağ-ı mezkûr mahsûlü da‘vâsından benim zimmetimi ibrâ ve ıskāt edip rızâlarıyla tescîl-i şer‘î olunduğu bi’l-iltimâs huzûr-ı âlîlerine i‘lâm olundu. Bâkī fermân hazret-i men-lehu’l-emrindir. Fî 11 Cemâziyelevvel sene 1154