Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 84 Hüküm no: 77 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mehmed’in Bekçi Hasan’ın yerine Selman Ağa Mahallesi Çarşısı’na bekçi tayin olunduğu Fahrü’l-eşbâh Üsküdar çorbacısı ağa el-mükerrem ba‘de’s-selâm inhâ olunur ki Üsküdar’da Selman Ağa mahallesi sûkunda mukaddemâ bekçi olan Hasan üç seneden beri terk edip hâlâ sûkda bekçi olmamağla hizmet-i merkūme uhdesinden gelmeğe kādir olduğunu mahalle-i mezbûre imâmı Ali Efendi ve ahâlî-i sûkdan Kürkcü el-Hâc Ali ve Duhânî el-Hâc Mustafa ve Müezzin Hâfız Mehmed nâm kimesneler ihbârlarıyla zâhir olan işbu bâ‘isü’l-mürâsele Ahmed b. Mehmed nâm kimesne bekçi ta‘yîn olmağla işbu mürâsele tahrîr olundu. Gerekdir ki hizmet-i merkūmede mezbûr Ahmed istihdâm olunup bi-gayr-ı vech müdâhale eder olursa tarafımıza irsâl eyleyesiz, gelip mürâfa‘a-i şer‘-i şerîf olalar ve’s-selâm. Fî 25 min-Cemâziyelevvel sene 1[154]