Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 86 Hüküm no: 82 Orijinal metin no: [14a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agob’un kefaletten dolayı İbrahim Beşe’ye olan borcunu ödemesi Ma‘rûz; Derûn-ı i‘lâmda ismi mastûr İbrahim Beşe [ve] yine i‘lâmda mezkûrü’l-ism Dudu nâm Nasrâniyenin sadrî kebîr oğlu Agob nâm zimmî ile ba‘de’t-terâfu‘ bin yüz elli iki senesi Zilhiccesi’nin on dördüncü gününden târih-i i‘lâm senesi Cumâdelâhıre’si gurresine gelince i‘lâmda mezkûr meblağ taksît-i merkūmdan on yedi ayda müctemi‘ olan elli bir guruş mezbûre Dudu Nasrâniye’nin oğlu merkūm Agob zimmî emr ve kabûlü hâviye kefâlet-i sahîha-i şer‘iyye ile kefîl ve dâmin olmakla taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını lede’t-tezkiye adâletleri zâhir Ali b. Mehmed ve Süleyman b. Ali nâm kimesneler şehâdetleriyle vech-i şer‘î üzere isbât etmeğin mûcebince meblağ-ı mukassıt-ı merkūmdan on yedi ayda müctemi‘ olan elli yedi guruşu kefâletine binâ’en edâya mezbûr Agob zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 4 Cumâdelâhire sene [1]154