Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 86 Hüküm no: 81 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Sabiha’nın vârislerinin miras ve borç davalarında anlaştıkları Ma‘rûz; Derûn-ı arzuhâlde mezkûr müteveffiye Sabiha’nın li-ümmin kız karındaşı ve hasran vârisi olan sahibe-i arzuhâl Âmine müteveffât-ı mezbûrenin vasîyy-i muhtârı olup arzuhâlde ismi mastûr Ali ile dîvân-ı âlîlerinde ba‘de’t-terâfu‘ Üsküdar’a havâle olunup hesâbları görüldükde mezbûr Ali’nin müteveffât-ı mezbûre zimmetinde kırk guruş zâhir ve sâbit olmağla meblağ-ı merkūmdan yirmi sekiz guruşunu kabz mâ‘adâ on iki guruş mutâlebesinden mezbûre Âmine’nin zimmetini ibrâ ve ıskāt eyledikde mezbûre Âmine dahi tereke-i müteveffât-ı mezbûreye müte‘allika âmme-i de‘âvîden mezbûr Ali’nin zimmetini ibrâ ve ıskāt eylediği mübâşiri iltimâsıyla huzûr-ı âlîlerine i‘lâm olundu. Fî 2 Cumâdelâhire sene 1154