Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 88 Hüküm no: 86 Orijinal metin no: [14b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Yorgi’nin Kostantin’deki alacağını kefili olan Pano’dan tahsil ettiği Ma‘rûz; Beylik salhânede [selhhâne] Kasap Yorgi hasmı olup Üsküdar’da Yenimahalle sâkinlerinden Kostantin ve Pano nâm zimmîler muvâcehelerinde on beş gün mukaddem mahalle-i mezbûrede beni darb ve mezbûr Kostantin otuz yedi guruşumu ahz ve mezbûr Pano kefîl ve dâmin olmuş idi. Hâlâ meblağ-ı merkūmu bi’t-tamam ahz ü kabz edip husûs-ı merkūma müte‘allika kat‘â da‘vâ ve husûmeti kalmayıp her biri âharın zimmetini ibrâ ve ıskāt eyledikleri rızâlarıyla ba‘de’t-tescîl el-Hâc Ali Haseki mübâşeretiyle vâki‘ hâl bi’l-iltimâs huzûr-ı âlîlerine i‘lâm olundu. Fî 9 Cumâdelâhire sene 1154