Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 88 Hüküm no: 87 Orijinal metin no: [14b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahaliyi rahatsız eden Meyhaneci Armiya’nın yakalanarak gönderildiği Ma‘rûz; Medîne-i Üsküdar mahallâtından Yenimahalle’de sâkin olup şekāvet ile mukaddemâ yedi kat‘ olunan Armiya nâm meyhâneci kendi hâlinde olmayıp meyhânesinde erâzil ve eşhâs cem‘ ve fısk ü fesâd ve ahâlî-i mahallenin ricâl ve nisvânını ta‘cîz üzere olmağla usta kulları mübâşeretiyle men‘ ü def‘ ve meyhânesi ma‘rifet-i şer‘le mühürlenip kendisi firâr ve tarafından mührü kat‘ ettirdikden sonra zimmî-i mesfûr on beş gün mürûrunda usta kulları mübâşeretiyle ahz ve meclis-i şer‘a ihzâr olundukda mahallesi ahâlîsinden cemm-i gafîr ve cemm-i kesîr zimmî-i mesfûr kendi hâlinde olmayıp fısk ü fesâd ve sû-i hâli haddi tecâvüz etmişdir gereği gibi tedîb olmadıkça ıslâh bir vechle mümkün değildir deyü muvâcehesinde ihbâr ve zimmî-i mesfûr usta kulları mübâşeretiyle i‘lâmıyla huzûr-ı âlîlerine irsâl olundu. Bâkī fermân men-lehu’l-emrindir. Fî 9 min-Cumâdelâhire sene 1154