Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 93 Hüküm no: 98 Orijinal metin no: [16b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dukayil’in Mustafa b. Abdullah’a olan borcunu ödediği Ma‘rûz; Bursa sâkinlerinden Üsküdar’da misâfiren sâkin Mustafa b. Abdullah nâm mühtedî hasmı Dukayil zimmîden cihet-i kefâletten iddi‘â eylediği on beş guruş mersûm Dukayil iki sene mukaddem meclis-i şer‘de kefâleten edâ ve teslîm eyledim deyü def‘-i şer‘î ve def‘ini lede’t-tezkiye adâletleri zâhir es-Seyyid Süleyman b. Mehmed ve Hasan b. Ramazan nâm kimesneler şehâdetleriyle muvâcehesinde vech-i şer‘î üzere isbât etmeğin mûcebince müdde‘î-i mezbûr Mustafa bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 22 Cumâdelâhire sene 1154