Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 94 Hüküm no: 99 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mustafa’nın kendisine küfreden Ali’den şikayetçi olduğu Ma‘rûz-ı dâ‘î-i devletleridir ki; Vâki‘ olan mevâddı istimâ‘ içün taraf-ı şer‘den irsâl olunan Ahmed Efendi dâ‘îleri Üsküdar’a tâbi‘ İstavros karyesine varıp ba‘de akdi’l-meclis karye-i mezbûre sâkinlerinden Molla Mustafa meclis-i ma‘kūd-ı mezkûrda hasmı Ali ile ba‘de’t-terâfu‘ mezbûr Ali târih-i i‘lâm günü bağda muvâcehemde bi-gayr-ı vechin cimâ‘ lafzıyla anama ve avradıma şetm ve kalbi kara deyü hetk-i ırz etmekle mûcib-i şer‘îsi ba‘de’d-da‘vâ ve’l-ikrâr mûcebince mezbûr Ali’ye şer‘an ta‘zîr lâzım geldiğini mezbûr dâ‘îleri mahâllinde tahrîr ba‘de ümenâ-i şer‘le meclis-i şer‘a gelip alâ-vukū‘ihî inhâ eylediği bi’l-iltimâs huzûr-ı âlîlerine i‘lâm olundu. Fermân men-lehu’l-emrindir. Fî 16 min-Cumâdelâhire sene 1154