Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 95 Hüküm no: 103 Orijinal metin no: [17a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keleş Mehmed’in Duhanî Mustafa’ya olan borcunu ödemesi Ma‘rûz; Sahib-i arzuhâl Duhânî Mustafa derûn-ı arzuhâlde mezkûrü’l-ism Üsküdarî Keleş Mehmed ile dîvân-ı âlîlerinde ma‘kūd meclis-i şer‘de mürâfa‘a-i şer‘-i şerîf oldukda yedimde olan iki kıt‘a temessük mantûkunca vezn ve mikdârı beynimizde ma‘lûm duhan bahâsından sekiz yüz sekiz guruş hakkımın üç yüz doksan guruşunu ahz ü kabz edip dört yüz on sekiz guruş hakkım bakī kalmağla taleb ederim deyü da‘vâ ettikde mezbûr Keleş Mehmed cevâbında cihet-i mezkûreden bâkī dört yüz on sekiz guruş müdde‘î-i mezbûra iki kıt‘a deyn temessükü üzere deyni olduğunu bi tav‘ıhî ikrâr ve i‘tirâf etmeğin alâ-mûcib-i ikrârihî meblağ-ı bâkī dört yüz on sekiz guruşu edâya mezbûr Keleş Mehmed’e tenbîh olunduğu mübâşiri iltimâsıyla huzûr-ı âlîlerine i‘lâm olundu. Fî 26 Cumâdelâhire sene 1154