Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 95 Hüküm no: 104 Orijinal metin no: [17b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’e küfreden İsmail’in taziri gerektiği Ma‘rûz; Üsküdar’da Vâlide mahallesinde sâkin es-Seyyid Mehmed meclis-i şer‘de hasmı Bostânî İsmail muvâcehesinde târih-i i‘lâmdan bir gün mukaddem Üsküdar’da büyük iskelede mezbûr İsmail ağzıma ve dîn ve îmânıma cimâ‘ lafzıyla şetm ve katl kasdıyla üzerime hücûm etmekle mûcib-i şer‘îsini taleb ederim deyü ba‘de’d-da‘vâ ve’l-inkâr müdde‘î-i mezbûr es-Seyyid Mehmed ber-vech-i muharrer müdde‘âsını lede’t-tezkiye adâletleri zâhir olan medîne-i mezbûre sükkânından el-Hâc Abdullah Beşe b. Mustafa ve Mehmed b. Abdullah nâm kimesneler şehâdetleriyle vech-i şer‘î üzere muvâcehesinde isbât etmeğin mûcebince mezbûr Bostânî İsmail’e ta‘zîr ve tecdîd-i îmân ve nikâh lâzım geldiği bi’l-iltimâs huzûr-ı âlîlerine i‘lâm olundu. Fî 27 Cumâdelâhire sene 1154