Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 97 Hüküm no: 107 Orijinal metin no: [18a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice’nin vefat eden İsmihan Hatun’a ettiği hizmetin karşılığını vârisi Mustafa’dan aldığı Ma‘rûz; Sahibe-i arzuhâl Hatice zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mezkûrü’l-ism Mustafa muvâcehesinde mezbûrun anası müteveffiye İsmihan hâl-i sıgārımda iki sene ve ba‘de’l-bulûğ dört sene ki cem‘an altı sene ber-vech-i muharrer müteveffât-ı mezbûrenin talebiyle hizmet edip hizmetimin ecr-i misli[ni] kable’l-edâ fevt olup oğlu mezbûr Mustafa terekesine vâzı‘u’l-yed olmağla taleb ve da‘vâ eyledikde beynlerine muslihûn tavassutuyla dokuz guruş bedel-i makbûza sulh olup husûs-ı mezbûra ve sâir beynlerinde cereyân eden ahz ü i‘tâya ve gayra müte‘allika âmme-i de‘âvîden mezbûr Mustafa’nın zimmetini ibrâ ve ıskāt eylediği Üsküdar’da rızâlarıyla tescîl olunduğu mübâşiri Osman Çavuş kulları iltimâsıyla huzûr-ı âlîlerine i‘lâm olundu. Fî 2 Recebi’l-ferd sene 1154