Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 107 Hüküm no: 130 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha Hatun’un oğlu Mehmed’in dere üzerine ihdas ettiği helanın kaldırılması Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri mi‘mâr ağa hulefâsından Feyzullah ve Halil Halîfe ve sâir bî-garaz Müslimîn ile derûn-ı arzuhâlde mezkûr mahâll-i nizâ‘ın üzerine varıp ba‘de akdi’l-meclis sahib-i arzuhâl el-Hâc Şükrullah hasmı olup arzuhâlde mezkûr menzile mutasarrıfe Sâliha nâm hatunun kebîr oğlu ve tarafından vekîl-i müsecceli Manav Mehmed ile ba‘de’t-terâfu‘ mezbûr Mehmed derûn-ı menzilde bahçe içinde olan kadîmi memşâsını kaldırıp sahib-i arzuhâlin menzili ittisâlinde olan dere üzerine müceddeden memşâ ihdâs ve kazûrâtı dere içinde müctemi‘ ve râyiha-i kerîhesinden sahib-i arzuhâl müte’ezzî olduğunu ahâlî-i mahalleden müseccelü’l-esâmî Müslimîn ihbâr ettiklerinden sonra mezbûr Manav Mehmed dere üzerinde ihdâs eylediği memşâyı ref‘ ve kadîmi üzere yine bahçesi içinde binâ ve sahib-i arzuhâle ol vechile zarar etmemek üzere meclis-i mezkûrda ta‘ahhüd eylediğini merkūm dâ‘îleri mahâllinde tahrîr ba‘dehû huddâm-ı şer‘le gelip alâ-vukū‘ihî inhâ ve ihbâr eylediği bi’l-iltimâs huzûr-ı âlîlerine i‘lâm olundu. Fî 15 Receb sene 1154