Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 108 Hüküm no: 133 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Âmine Hatun’un ölen Sarraf Avakim’deki alacağının terekesinden tahsili Ma‘rûz; Üsküdar’da Kefce mahallesinde sâkine olup zâtı vech-i şer‘î üzere mu‘arrefe olan Âmine nâm hatun medîne-i mezbûrede Yeni Câmi‘-i şerîf kurbünde sarrâf tâifesinden mukaddemâ hâlik olan Kara Marat oğlu Avakim demekle ma‘rûf zimmînin sulbî kebîr oğlu ve terekesine bi’l-verâse vaz‘-ı yedi mütehakkık olan Kürkçü Garih nâm zimmî ile mürâfa‘a-i şer‘-i şerîf oldukda hâlik-i mezbûr Sarrâf Avakim târih-i i‘lâmdan bir buçuk sene mukaddem sarrâf dükkânında nısfiye altuna tebdîl içün yedi aded fındık altunu bi-tarîkı’l-vedî‘a def‘ ü teslîm edip kable’l-ahz hâlik olmağla tereke-i vâfiyesinden taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını udûlden medîne-i mezbûrede Debbağlar mahallesinde sâkin Mehmed b. Mehmed ve Abdurrahman b. Hasan nâm kimesneler şehâdetleriyle vech-i şer‘î üzere isbât etmeğin müdde‘iye-i mezbûre ba‘de’t-tahlîfi’ş-şer‘î mûcebince yedi aded fındık altununu hâlik-i mersûmun tereke-i vâfiyesinden edâ ve teslîme merkūm Garih zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî-selhi Recebi’l-ferd sene 1154