Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 110 Hüküm no: 136 Orijinal metin no: [23a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un tamir ettirdiği ahır, fırın ve sair odaların toplam masrafının belirlenmesi Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri mi‘mâr ağa hulefâsından Hüseyin Halîfe ve sâir bî-garaz Müslimîn ile derûn-ı arzuhâlde mezkûr canbaz ahırına varıp ba‘de akdi’l-meclis sahibe-i arzuhâl Hatice Hatun’un oğlu ve tarafından vekîli İbrahim Ağa talebiyle ba‘de’l-mu‘âyene zikrolunan ahır ve odalar ve fırın ve bostancı odası ve etrâf duvarları ve dekâkin ve mahzen çatısı? ta‘mîr ve termîm olunup mi‘mâr-ı mezbûr ba‘de’l-misâha kırk yedi bin yüz otuz dokuz akçe ile ta‘mîr olup noksan ile olmak mümkün değildir deyü haber vermekle vâki‘ hâli mezbûr dâ‘îleri mahâllinde tahrîr ba‘dehû ümenâ-i şer‘le gelip alâ-vukū‘ihî inhâ ve ihbâr eylediği bi’l-iltimâs huzûr-ı âlîlerine i‘lâm olundu. Fî 4 Şa‘bâni’l-muazzam sene 1154