Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 111 Hüküm no: 139 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Markar’ın eşiyle iyi geçineceğine dair verdiği söze kefil olunduğu Ma‘rûz; Sahibe-i arzuhâl Maryem Nasrâniye derûn-ı arzuhâlde mezkûrü’l-ism zevc-i sâbıkı Markar zimmîye nefsini tezvîc ol dahi tezevvüc ve kabûl ve arzuhâlde münderic olan da‘vâsından meccânen fâriğa olup mezbûr Markar fî-mâ ba‘d zevcem mezbûre Maryem ile hüsn-i zindegâne edip hilâf-ı şer‘ ta‘cîz ve rencîde etmemek üzere mezbûr Markar’ın nefsine ve hîn-i mutâlebede ihzârına Üsküdar’da Selâmi mahallesi sâkinlerinden Karabet ve Avakim ve Manuk nâm zimmîlerdan her biri tekeffül eyledikleri rızâlarıyla Üsküdar’da ba‘de’t-tescîl mübâşiri Osman Çavuş kulları iltimâsıyla huzûr-ı âlîlerine i‘lâm olundu. Fî 9 Şa‘bân sene 1154