Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 112 Hüküm no: 141 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ebubekir’in kölesi hakkında söylenenlerin iftira olduğu Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri ta‘yîn buyrulan Mumcu Mehmed Beşe mübâşeretiyle Üsküdar’da Atik Vâlide Câmi‘-i şerîfi’ne varıp akd-i meclis-i şer‘-i şerîf ettikde sahib-i arzuhâl Ebûbekir hazır olduğu hâlde arzuhâlde mezkûr üç neferden meclis-i mezkûrda mübâşir-i merhûm ihzâr eylediği abdinin keyfiyeti tefahhus ettikde müseccelü’l-esâmî yirmi beş nefer bî-garaz Müslimîn meclis-i mezkûrda, ba‘dehû ihtimâmen Reis mahallesinde vâki‘ Çinili Câmi‘-i şerîfi’nde akd-i meclis olunup kezâlik müseccelü’l-esâmî on nefer Müslimîn ki; cem‘an otuz beş nefer kimesneler mezbûr abdi kendi hâlinde olup arzuhâlde mezkûr olan husûs-ı mezbûr abdi hakkında ifk ü iftirâdır deyü mezbûrun hüsn-i hâlini ihbâr ettiklerini mahâllinde tahrîr ba‘dehû huddâm-ı şer‘den İbrahim ve el-Hâc Hanefi ile meclis-i şer‘a gelip alâ-vukū‘ihî inhâ ve ihbâr eyledikleri mübâşir-i merkūm iltimâsıyla vâki‘ hâl huzûr-ı âlîlerine i‘lâm olundu. Fî 3 Şa‘bân sene 1154