Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 114 Hüküm no: 147 Orijinal metin no: [24b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bedros’un kefaletten dolayı Halil’e olan borcunu ödemesi Ma‘rûz; Navluncu tâifesinden es-Seyyid el-Hâc Halil hasmı Üsküdar’da habbâz tâifesinden Pedros nâm zimmî muvâcehesinde târih-i i‘lâmdan bir sene mukaddem hazır bi’l-meclis Ohan zimmîye beher keyli yüz altmış dörder akçeye olmak üzere yedimden iştirâ ve kabz eylediği yirmi beş keyl hınta bahâsından dört bin yüz akçe mersûm Ohan zimmetinde olan hakkımı <> emir ve kabûlü hâviye kefâlet-i sahîha-i şer‘iyye ile kefîl ve dâmin olmağla bi-hükmi’l-kefâle mezbûr Bedros zimmîden taleb ederim deyü ba‘de’d-da‘vâ ve’l-ikrâr mûcebince meblağ-ı merkūmu kefâletine binâ’en müdde‘î-i mezbûra edâ ve teslîme mezbûr Bedros zimmîye tenbîh olunduğu huzûr-ı âlîlerine i‘lâm olundu. Fî 24 Şa‘bân sene 1154