Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 114 Hüküm no: 146 Orijinal metin no: [24b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzguncuk karyesi ahalisinden Salamon’un kefaletten dolayı borcunu ödemesi Ma‘rûz; Üsküdar’da Yenimahalle sâkinlerinden Amira hasmı olup meclis-i şer‘a ihzâr ettirdiği Kuzguncuk karyesi ahâlîsinden Salamon nâm Yahûdî ile mürâfa‘a-i şer‘olduklarında yine karye-i mezbûrede sâkin gāib ani’l-meclis Danyel v. Abraham nâm Yahûdî zimmetinde cihet-i deyn-i şer‘îden mahkûmun-bih olan kırk guruş hakkıma târih-i i‘lâmdan üç sene mukaddem bi’l-emr ve’l-kabûl kefâlet-i sahîha-i şer‘iyye ile mezbûr Salamon kefîl ve dâmin olmağın taleb ederim deyü ba‘de’d-da‘vâ ve’l-inkâr müdde‘î-i merkūm ber-vech-i muharrer müdde‘âsını udûlden es-Seyyid Süleyman Çelebi b. Mehmed ile Ohan v. Simon şehâdetleriyle vechi şer‘î üzere isbât etmeğin mûcebince meblağ-ı merkūm kırk guruşu merkūm Salamon kefâletine binâ’en müdde‘î-i mezbûra edâ ve teslîm eylemek üzere ilzâm olunduğu bi’l-iltimâs huzûr-ı âlîlerine i‘lâm olundu. Fî 23 Şa‘bân sene 1154