Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 115 Hüküm no: 149 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Mehmed’in Mustafa’ya olan borcunu ödemesi Ma‘rûz; Üsküdar’da Gülfem Hatun mahallesi ahâlîsinden Mustafa hasmı Üsküdar’da at hamalı Mehmed ile mürâfa‘a-i şer‘-i şerîf olduklarında mezbûr Mehmed târih-i i‘lâmdan altı sene mukaddem yedimden iştirâ ve kabz eylediği iki re’s bargir semeninden otuz iki guruş hakkımın on altı guruşunu mezbûr Mehmed’den ahz edip zimmetinde bakī kalan on altı guruş hakkımı taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını udûlden yine mahalle-i mezbûre sükkânından Berber Ali Çelebi b. Mehmed ve Ömer Çelebi b. el-Hâc Osman nâm kimesneler şehâdetleriyle vech-i şer‘î üzere ikrâr etmeğin mûcebince meblağ-ı bâkī merkūm on altı guruşu müdde‘î-i merkūm Mustafa’ya edâ ve teslîme Hamal Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 24 Şa‘bâni’l-muazzam sene 1154