Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 116 Hüküm no: 152 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İbrahim Efendi’nin terekesine yapılan müdahalenin men edilmesi Ma‘rûz; Derûn-ı arzuhâlde mezkûr müteveffâ İbrahim Efendi’nin verâseti zevcesi sahibe-i arzuhâl Âişe’ye ve sulbiye sagīre kızları Zeyneb ve Rukiye’ye münhasıra olduğu şer‘an tahakkukundan sonra sagīretân-ı mezbûretânın vasiyyeleri olan anaları mezbûre Âişe’nin hâlâ zevci ve tarafından vekîl-i sâbitü’l-vekâlesi Ahmed arzuhâlde mezkûr bağlara vaz‘-ı yedleri mütehakkık olan el-Hâc Mustafa ve Ahmed Beşe ile ba‘de’t-terâfu‘ İstavros karyesinde ma‘lûmü’l-hudûd müteveffâ-yı mezbûrdan müntakil on dönümden beş dönüm bağı mezbûr Ahmed Beşe ve Çamlıca kurbünde vâki‘ üç dönüm bağı mezbûr el-Hâc Mustafa’dan her biri iki kıt‘a mübâya‘a hücceti mantûklarınca mesûğ-ı şer‘îye binâ’en ellişer guruşa iştirâ etmeleriyle zikrolunan iki kıt‘a mübâya‘a hüccetlerinin mazmûnlarını vekîl-i mezbûr ikrâr ve i‘tirâf etmeğin husûs-ı mezbûrda tağrîr ve gabn da‘vâsı meşrû‘a olmamağla vekîl-i mezbûr bî-vech mu‘ârazadan men‘ olunduğu mübâşiri kapıkethudâsı Hasan Beşe kulları iltimâsıyla huzûr-ı âlîlerine i‘lâm olundu. Fî 27 Şa‘bân sene 1154