Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 118 Hüküm no: 155 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yuvan v. Kosta’yı döverek yaralayan Serkiz, Panos ve Kivorg’un cezalandırılmaları Ma‘rûz; Üsküdar’da Şücâ‘bağı mahallesinde vâki‘ el-Hâc Mustafa Efendi bahçesinde bahçevân olan Yuvan v. Kosta hasımları olan Selâmi mahallesinden Serkiz ve Panos ve Kivorg nâm zimmîleri meclis-i şer‘a ihzâr ve muvâcehelerinde târih-i i‘lâmdan on sekiz gün mukaddem Selâmi mahallesinde bakkāl dükkânı önünde mezbûrûn bi-gayr-ı hakkın sille ve yumruk ile arkama ve başıma darb-ı şedîd ile darb etmişlerdir deyü ba‘de’d-da‘vâ ve’l-inkâr müdde‘î-i mezbûr müdde‘âsını Üsküdar’da Kefce mahallesinde Çoban Ali bahçesinde bahçevan Todori ve Selâmi mahallesinde sâkin Taşcı Yuvan nâm zimmîlerden her biri müdde‘î-i mezbûru mahâll-i merkūmda ve vakt-i mersûmda merkūmûndan her biri sille ve yumruk ile arkasına ve başına darb-ı şedîd ile darb ettiler deyü vech-i şer‘î üzere edâ-i şehâdet ve şehâdetleri makbûle olmağın mezbûrûn Serkiz ve Panos ve Kivorg’den her birine ta‘zîr lâzım geldiği bi’l-iltimâs. Fî 7 Ramazan sene 1154