Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 121 Hüküm no: 163 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar sakinlerinden Ahmed ile Fatıma Hatun arasındaki menzil satışında işi geciktiren Bostancı Mehmed’in ikaz edilmesi Ma‘rûz; Üsküdar sükkânından Ahmed nâm kimesnenin Evliyâhoca mahallesinde mülk menzil iştirâ eden Fâtıma nâm hatun ile şuf‘a da‘vâsı olmağla mezbûrenin zevci Yalıköşkü neferâtından Bostancı Mehmed üç günden beri zevcesi tarafından vekîli olmak içün avk ve tehir ve mürâfa‘adan ibâ’ ve hîleye şurû‘ ile ibtâl-i hak eylemeğe bâ‘is olduğu lede’ş-şer‘i’l-enver zâhir olmağla bu gûne hareketine binâ’en zâbiti ma‘rifeti ile tedîb ve ba‘dehû zevcesi mezbûre Fâtıma’nın ya vekîl-i şer‘îsi veyâ bi-nefsihâ mürâfa‘a-i şer‘-i şerîf içün ihzâr etmek üzere ba‘de’t-tedîb mezbûr Bostânî Mehmed’e tenbîh ve mübâşir ta‘yîn ve ihzâr-ı şer‘ içün mezbûr Bostânî Mehmed i‘lâmıyla huzûr-ı âlîlerine irsâl olundu. Fî 28 Ramazan sene 1154