Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 122 Hüküm no: 164 Orijinal metin no: [27b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Misafir bulunduğu Han’da vefat eden Ahmed b. Ebubekir’in vârisleri ile Hancı Halil arasındaki alacak davasının sulh ile sonuçlandığı Ma‘rûz; Dîvân-ı âlîlerinde ma‘kūd meclis-i şer‘de İzzeddin Türkmânî tâifesinden olup on dört ay mukaddem sahib-i arzuhâlin hânında müsâfiren sâkin iken fevt olan Ahmed b. el-Hâc Ebîbekir b. el-Hâc Mehmed’in verâseti zevcesi Âişe bt. el-Hâc Yusuf ve anası Râziye bt. el-Hâc Süleyman ve sulbî sagīr oğlu Veli’ye münhasıra olup müteveffâ-yı mezbûrun li-ebeveyn karındaşı ve sagīr-i mezbûrun vasîsi ve mezbûrât taraflarından bâ-hüccet-i şer‘iyye vekâleti sâbit olan Mehmed b. el-Hâc Ebâbekir Hancı Halil mahzarında bi’l-vesâye ve bi’l-vekâle da‘vâ [ve] müteveffâ-yı mezbûrun üzerinde beş yüz elli guruş nakid akçesi olup hastalığı hâlinde kendiden suâl olundukda işbu Hancı Halil yedindedir deyü işâret eylemişdir. Suâl olunup alıverilmek murâdımdır dedikde gıbbe’s-suâl ve akībü’l-inkâr mübeyyine beyyine taleb olundukda tavassut-ı muslihûn ile otuz üç guruş kıymetli Mısrî bir re’s doru at üzerine inşâ-i akd-i sulh eylediklerinde sulh-i mezbûru kabûl ve ahza [ve] da‘vâ-yı mezkûresinden fâriğ ve zimmetini berî eylediği mübâşir kulları iltimâsıyla huzûr-ı âlîlerine irsâl olundu. Bâkī emr men-lehu’l-emrindir. Fî 13 min-Şevval sene [1]154