Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 126 Hüküm no: 172 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaya Sultan Yalısı bekçisi Nasuh’un yalının bazı eşyalarını kendi işleri için kullandığının tespit olunduğu Ma‘rûz; Bi’l-iltimâs taraf-ı şer‘den irsâl olunan Mehmed Efendi dâ‘îleri Üsküdar’da Kaya Sultan Yalısı demekle ma‘rûf yalıya varıp ba‘de akdi’l-meclis yalı-yı merkūm hâlâ Haleb vâlîsi vezîr-i mükerrem sa‘âdetlü Yakub Paşa hazretlerinin tasarruflarında olmağla müşârün-ileyh taraflarından harem kethudâları İbrahim Ağa meclis-i ma‘kūd-ı mezkûrda yalı bekçisi Nasuh muvâcehesinde ber-mûceb-i defter-i müfredât bekçi-i merkūma teslîm olunan eşyâ-i ma‘lûmeden merkūm Nasuh’un ikrâr ve i‘tirâfı üzere telef eylediği on iki aded kafes ve altı kazma ve iki ceviz ağacından masnû‘ camlı çerçeve <> ve ber-mûceb-i defter ecnâsları ve yüz aded beylik kerestesini kendi umûruna sarf ve istihlâk eylediğini merkūm dâ‘îleri mahâllinde tahrîr ba‘dehû huddâm-ı şer‘den el-Hâc Şaban ve Muhzır Mehmed ile meclis-i şer‘a gelip alâ-vukū‘ihî inhâ ve ihbâr eylediği bi’l-iltimâs huzûr-ı âlîlerine i‘lâm olundu. Fî 17 Şevval sene 1154