Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 126 Hüküm no: 173 Orijinal metin no: [29a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. Ahmed ile Ömer arasındaki para ve kıymetli eşya davasının anlaşmayla bitirildiği Ma‘rûz; Trabzon sâkinlerinden serdengeçdi ağalarından Mahmud b. Ahmed b. Abdullah tarafından sâbitü’l-vekâle vekîli olan sahib-i arzuhâl Hüseyin derûn-ı arzuhâlde mezkûrü’l-ism hasmı Ömer ile ta‘yîn buyrulan kapıkethudâsı İsmail Beşe kulları mübâşeretiyle bâ-fermân-ı âlî dîvân-ı âlîlerinde ma‘kūd meclis-i şer‘de ba‘de’t-terâfu‘ Üsküdar’a havâle olundukda vekîl-i mezbûr iddi‘â eylediği on sekiz guruş kıymetli bir kırmızı Sakız şalı ve sekiz Mısır zincirli altun ve iki guruş kıymetli iki fes ve iki guruş kıymetli bir dizlik da‘vâsından muslihûn tavassutuyla an-inkâr on guruş bedel-i makbûza bi’l-vekâle sulh olmağla husûs-ı mezbûra müte‘allika âmme-i de‘âvîden bi’l-vekâle mezbûr Ömer’in zimmetini ibrâ ve ıskāt eylediği Üsküdar’da ba‘de’t-tescîl mübâşir-i merkūm iltimâsıyla vâki‘ hâl huzûr-ı âlîlerine i‘lâm olundu. Fî 20 Şevval sene 1154