Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 131 Hüküm no: 183 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb’in kocası Mustafa’dan anlaşarak boşandığı (muhâlaa) Ma‘rûz; Sahibe-i arzuhâl Zeyneb tarafından vekîl-i sâbitü’l-vekâlesi Cerrâh Mustafa Çelebi müvekkilenin zevc-i dâhili diğer Mustafa mahzarında beynlerinde hüsn-i mu‘âşeretleri olmamağla zevci merkūm zimmetinde mütekarrir ve ma‘kūdün-aleyh olan dört bin yüz akçe mehr-i mü’eccel ve nafaka-i iddet-i ma‘lûme ve me’ûnet-i süknâsı üzerine bi’l-vekâle muhâla‘a eylediğinde mezbûr Mustafa dahi ber-vech-i muharrer kabûl [ve] hukūk-ı zevciyete ve nikâh-ı evvelden târih-i i‘lâma gelince beynlerinde cereyân eden ahz ü i‘tâya ve gayra müte‘allika âmme-i de‘âvîden her biri âharın zimmetini ibrâ ve ıskāt eyledikleri ba‘de’t-tescîl mübâşirleri Osman Çavuş kulları iltimâsıyla huzûr-ı âlîlerine i‘lâm olundu. Fî 6 Zilka‘deti’ş-şerîfe sene 1154