Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 132 Hüküm no: 185 Orijinal metin no: [32a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Efendi’nin damadının evine kızının gitmesine şartlı olarak razı olduğu Ma‘rûz; Sahib-i arzuhâlin kayınpederi el-Hâc Ali Efendi ve zevcesi meflûçlar olup meclis-i şer‘a ihzârları müte‘assir olmağla iltimâslarıyla taraf-ı şer‘den başkâtib efendi dâ‘îleri mezbûr el-Hâc Ali Efendi’nin Üsküdar’da Hamza Fakih mahallesinde sâkin olduğu menzile varıp ba‘de akdi’l-meclis mezbûr el-Hâc Ali Efendi sahib-i arzuhâl es-Seyyid Mustafa <> cemî‘ sekrâna mübtelâdır deyü kızını menziline vermeden ibâ’ edip sahib-i arzuhâl es-Seyyid Mustafa meclis-i ma‘kūd-ı mezkûrda cemî‘ sekrân tâib ve müstağfireten pederimin sâkin olduğu Hamza Fakih mahallesinde bir mesken-i şer‘î îcâr ve istîcâr ve zevcesi Hanife yanına bir enîse hatun vaz‘ eylemek üzere hüsn-i mu‘âşeret eylemeğe ta‘ahhüd ve iltizâm ettikde mezbûr el-Hâc Ali Efendi dahi üç güne dek kızı mezbûreyi zevci merkūma teslîme râzı olduğunu merkūm dâ‘îleri mahâllinde tahrîr ba‘dehû ümenâ-i şer‘le gelip alâ-vukū‘ihî inhâ eylediği bi’l-iltimâs huzûr-ı âlîlerine i‘lâm olundu. Fî Zilka‘de sene 1154