Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 134 Hüküm no: 189 Orijinal metin no: [33a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Ali’nin Molla Mustafa ve İbrahim’e olan borçlarını ödemeyi kabul ettiğinden hapsine gerek olmadığı Ma‘rûz; Sahib-i arzuhâl Attar Ali dâyinlerinden Osman b. İbrahim[e] cihet-i deyn-i şer‘den yüz üç guruş ve Molla Mustafa b. İsmail’e kırk guruş mahzarında da‘vâ ol dahi ol mikdâr deyni olduğunu mukırr ve mu‘terîf olup lâkin mezbûr asârını iddi‘â ve dâyinleri mezbûrân dahi yesârını beyân etmedikleri ecilden şer‘an habs lâzım olmayıp hâzırûn bi’l-meclis kuzātdan es-Seyyid eş-Şeyh Mehmed Efendi ve el-Hâc İbrahim Efendi ve eş-Şeyh Mustafa Efendi ve es-Seyyid el-Hâc Mustafa ve İbrahim ve Ahmed ve Mehmed ve Süleyman nâm kimesnelerden her biri sahib-i arzuhâl medyûn-ı mezbûr Ali kesîrü’l-iyâl olduğu ecilden lâbis olduğu libâsından gayri bir nesnesi olmayıp mu‘dim ve mu‘sir olduğunu her biri alâ-tarîkı’ş-şehâde haber vermeleriyle ve yesârı şer‘an sâbit olmadıkça habs lâzım gelmediği bi’l-iltimâs huzûr-ı âlîlerine i‘lâm olundu. Fî 15 Zilka‘de sene 1154