Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 134 Hüküm no: 188 Orijinal metin no: [33a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Kirkor’un Pedros zimmideki alacağının tahsili Ma‘rûz; İstanbul’da habbâz tâifesinden Kirkor nâm zimmî hasmı Pedros ile ba‘de’t-terâfu‘ yedimden iştirâ ve kabz eylediği ekmek bahâsından üç bin yedi yüz akçe hakkımın bin dört yüz kırk akçesini bana def‘ ü teslîm edip bakī iki bin iki yüz altmış akçe zimmetinde vâcibü’l-edâ ve lâzımü’l-iktizâ deyni olduğunu şuhûd mahzarında ikrâr ve i‘tirâf etmeğin meblağ-ı bâkī mezbûru taleb ederim deyü ba‘de’d-da‘vâ ve’l-inkâr müdde‘î-i mersûm müdde‘âsını udûl-i millet-i Nasârâdan Ohan v. Kirkor ve Kiragos v. Bogos nâm zimmîler şehâdetleriyle vech-i şer‘î üzere isbât etmeğin mûcebince meblağ-ı bâkī merkūm iki bin iki yüz altmış akçeyi edâ ve teslîme merkūm Pedros zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 18 Zilka‘de sene 1154