Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 135 Hüküm no: 192 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miras meselesinden dolayı memleketi Maraş’a giden Hasan’a İstanbul’a dönüşünde engel olunmaması Ma‘rûz; Vârid olan fermân-ı âlîlerine imtisâlen arzuhâlde mezkûr olan husûsun hakīkati sahib-i arzuhâl kadîmden Üsküdar’da Ahmed Çelebi mahallesinde müte’ehhil ve mütemekkin olup Maraş sancağında vâki‘ Kars kasabasında fevt olan babası Ali’den müntakil mal-ı mevrûsunu ahz ü kabz edip yine avdet etmek üzere târih-i i‘lâmdan dört ay mukaddem mahalle-i [mahâll-i] merkūma gitmiş idi deyü mahallesi imâmı Osman Efendi ve ahâlîden Ahmed Ağa ve Hasan ve Mahmud ve Abdullah nâm kimesneler ihbâr etmeleriyle sahib-i arzuhâl mezbûr el-Hâc Hasan hâlâ İznikmid’e gelmek ile kadîmi mahâlline mürûruna mümâna‘at olunmamak bâbında fermân-ı âlîleri ricâ ettikleri bi’l-iltimâs huzûr-ı âlîlerine i‘lâm olundu. Fî 19 min-Zilka‘de sene 1154