Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 139 Hüküm no: 200 Orijinal metin no: [35a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Öldürülen Mihal’in vârislerinin diyet hususunda zanlılarla sulh olduğu Ma‘rûz, Derûn-ı arzuhâlde mezkûr katîlen hâlik olan Mihal zimmînin verâseti anası Marorye? Nasrâniye ile li-ebeveyn er karındaşı Yorgi zimmîye munhasıra olduğu şer‘an tahakkukundan sonra mezbûrân Maro? ve Yorgi’nin bâ-hüccet-i şer‘iyye vekîl-i sâbitü’l-vekâlesi Yani ber-mûceb-i fermân-ı âlî dîvân-ı âlîlerinde ba‘de’t-terâfu‘ Üsküdar’a [ihzâr] olunduktan sonra hasımları Kurdoğlu Mustafa ve Hüseyin ve Mehmed ve Kurd Ali nâm Kıbtîler’den arzuhâlde mezkûr olduğu vech üzere hâlik-i mezbûrun dem ü diyetinden an-inkârin muslihûn tavassutuyla yüz guruş bedel-i makbûza sulh olunup maktûl-i mezbûrun dem ü diyetine müte‘allika âmme-i de‘âvîden bi’l-vekâle mezbûrûn zimmetlerini ibrâ ve ıskāt eylediğini rızâlarıyla Üsküdar’da ba‘de’t-tescîl mübâşir Ahmed Haseki kulları iltimâsıyla huzûr-ı âlîlerine i‘lâm olundu, bâkī fermân men lehu’l-emrindir. Fî-gurreti Zilhicceti’ş-şerîfe sene 1154