Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 142 Hüküm no: 207 Orijinal metin no: [36a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’da Torbalı mahallesinden Fatma’ya küfür eden İbrahim’in cezalandırılması Ma‘rûz, Üsküdar’da Torbalı mahallesinden sâkine ve zâtı vech-i şer‘î üzere mu‘arrefe olan Fâtıma hasmı es-Seyyid İbrahim muvâcehesinde hazır bi’l-meclis sadrî oğlum Mustafa şâbb-ı emrede hilâf-ı şer‘-i dahl [ve] ta‘arruz edip niçin edersin dediğimde benim dahi muvâcehemde anama cimâ‘ lafzıyla şetm ve hetk-i ırz deyü bu vechile âr lâhık olmuşdur deyü mûcebini ba‘de’d-da‘vâ ve’l-inkâr müdde‘iyye-i mezbûre Fâtıma ityân-ı beyyineden izhâr-ı acz ile istihlâf etmeğin mezbûr es-Seyyid İbrahim’e yemîn teklîf olundukda yemînden nükûl etmekle mûcebince mezbûr es-Seyyid İbrahim’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 24 Zilka‘de sene 1154