Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 142 Hüküm no: 208 Orijinal metin no: [36b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmet b. Osman’ın eşya çaldığı yolundaki iddianın ispatlanamadığı Ma‘rûz-ı dâ‘î-i devletleridir ki, İstanbul’da Azebler mahallesinde Mehmed b. Hasan hasmı Ahmed b. Osman muvâcehesinde mezbûr Ahmed müsâfiret tarîkı ile menzile gelip piştahtamı kırıp derûnunda olan üç sîm fincan zarfı ve bir sîm bıçak ve üç sagīr parça sîmi ahz u gasb eyledi deyü ba‘de’d-da‘vâ ve’l-inkâr müdde‘î-i mezbûr müdde‘âsını beyân için istimhâl etmeğin mehl-i şer‘î ile imhâl olunup müddet-i mehil tamamında bir vechile isbâta kādir olmayıp yemîn vermeğe dahi tâlib olmamağla müdde‘î-i mezbûr bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu, bâkī fermân men lehu’l-emrindir. Fî 29 Zilka‘deti’ş-erîfe sene 1154