Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 146 Hüküm no: 218 Orijinal metin no: [37b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gebze nahiyesine bağlı Merkebli köyü sakinlerinin Osman’ın temessük ile tasarrufunda olan yerlere müdahaleden men edildikleri Ma‘rûz, Üsküdar’a muzâfe Gekbuze nâhiyesine tâbi‘ Merkebli karye ahâlîsinden ashâb-ı arzuhâl Hasan ve Mustafa ve Ali ve Osman ve sâir müseccelü’l-esâmî kimesneler bâ-fermân-ı âlî Dîvân-ı âlîlerinde ma‘kūd meclis-i şer‘de arzuhâlde mezkûr kışlaka vaz‘-ı yedi şer‘an mütehakkık olan diğer Osman ile mürâfa‘a-i şer‘-i şerîf oldukta mezbûr Osman’ın yedinde olan hüccet-i şer‘iyye ve i‘lâm-ı şer‘î mûcebince kışlak damları ve eşcâr-ı müsmire ve gayr-ı müsmire ve bi’r-i mâyı müştemil ma‘lûmü’l-hudûd mahâl eben an-ceddin mezbûr diğer Osman’ın sahib-i arz temessüğü ile kadîmden zabt ve tasarrufunda olup binâsı olan hudûdu tecâvüz etmemek ba‘de’t-tenbîh karye-i mezbûre ahâlîsinin mezbûr Osman’ın yedinde olan senedâtı üzere kat‘â alâka ve medhalleri olmadığı ahâlî-i karyenin i‘tirâfları ile sâbit ve zâhir olmağın “el-kadîmu yütreku alâ-kıdemihî” fehvâsınca mezbûr diğer Osman üzerinde ibkā olunup ahâlî-i karye bî-vech mu‘ârazadan men‘ olunduğu mübâşiri Abdullah Beşe kulları iltimâsıyla huzûr-ı âlîlerine i‘lâm olundu. Fî 21 Zilhicce sene 1154