Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 148 Hüküm no: 221 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kolancı Eyüb’ün nikahladığı Habibe’nin yaşı küçük olduğu ve annesi Hatice’nin yanında kalacağı Ma‘rûz, Üsküdar’da Selman mahallesinden Kolancı Eyüb kayınvâlidesi Hatice muvâcehesinde mezbûrenin sadriye sagīre kızı Habibe hazır olduğu hâlde sagīre-i mezbûreyi iki ay mukaddem ben tezevvüc edip hâlâ sagīre-i mezbûre menkûham olup anası menzilinde olmağla zevciyet mu‘âmelesi murâd eylediğimde anası mezbûre kızı mezbûreyi bana teslîmden imtinâ‘ eder deyü da‘vâ ettikte mezbûre Habibe hâlâ sagīre olup cüssesinin dahi tahammülü olmayıp cimâ‘a dahi mutîka olmadığı lede’ş-şer‘i’l-enver zâhir ve zevciyet mu‘âmelesine selâhiyeti olunca anası mezbûre yanında sâkine olmak üzere tenbîh olunduğu bi’l-iltimâs huzûr-ı âlîlerine i‘lâm olundu. Fî 22 Zilhicce sene 1154