Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 155 Hüküm no: 237 Orijinal metin no: [40b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’da Hasan Ağa mahallesinden Ömer ve Osman’ı bıçakla yaralayan İlyas’ın yakalandığı Ma‘rûz, Üsküdar’da Hasan Ağa mahallesinde vâki‘ İnadiye Hamamı’nın hamamcısı Ömer b. İbrahim ve mahalle-i mezbûreden es-Seyyid Osman b. el-Hâc Yusuf nâm kimesneler hasımları altmış bir solakların neferâtından Ali b. Murteza ve İlyas b. Ali ile ba‘de’t-terâfu‘ târih-i i‘lâmdan bir gün [mukaddem] vakt-i subhda mezbûrân hamam-ı merkūma gelip hamamcı merkūmun iki elleri üzerlerine ve mezbûr es-Seyyid Osman’ın sağ elinin baş parmağı üzerine mezbûr İlyas bıçak ile amden darb ve cerh eylediği mezbûr İlyas’ın ikrârıyla lede’ş-şer‘i’l-enver sâbit ve cerh-i mezkûrun ber’ine tevkīf olunup mezbûrân usta kulları mübâşeretle huzûr-ı âlîlerine irsâl olundu, bâkī fermân men lehu’l-emrindir. Fî 13 Muharremi’l-harâm sene 1155