Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 156 Hüküm no: 239 Orijinal metin no: [41a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmet Paşa’nın Üsküdar’da Pazarbaşı mahallesindeki çeşmenin suyollarının tamir edilmesi talebi Ma‘rûz, Enderûn-ı Hâssa’da hazînedârbaşı ağa nezâretinde olan evkāfdan çavuşbaşı-i sâbık merhûm Ahmed Paşa Üsküdar’da Pazarbaşı mahallesinde binâ ve icrâ ettiği bir çeşmenin suyolları ta‘mîre eşedd-i ihtiyâc ile muhtâc olduğunu mahalle-i mezbûrede sâkin ulemâ ve sulehâ meclis-i şer‘a gelip ihbâr ve mütevellîsi tarafına bi’d-defa‘ât ifâde olundukta henüz ta‘mîre mübâşeret etmediğinden çeşme mu‘attal ve ibâdullâhın su için müzâyakaları olduğu lede’ş-şer‘i’l-enver zâhir ve nâzır-ı mûmâ-ileyh ma‘rifetiyle taraf-ı vakıftan mütevellîsi ta‘mîr ettirmek için ahâlî-i mahalle fermân-ı âlî ricâ ettikleri huzûr-ı âlîlerine i‘lâm olundu, fermân men lehu’l-emrindir. Fî 13 Muharremi’l-harâm sene 1155