Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 157 Hüküm no: 242 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yaşimo’nun Karanfil’e olan borcunu ödemesi konusunda tenbihatta bulunulduğu Ma‘rûz, Sahibe-i arzuhâl Karanfil Nasrâniyenin vekîl-i sâbitü’l-vekâlesi Tanaş zimmî hasmı olan derûn-ı arzuhâlde mezkûrü’l-ism olup zâtı vech-i şer‘î üzere mu‘arrefe olan Yaşimo nâm Nasrâniye ile ba‘de’t-terâfu‘ târih-i i‘lâmdan dört buçuk sene mukaddem müvekkile-i mezbûre yedinden istidâne ve kabz eylediği ancak yüz guruş hâlâ müvekkile-i mezbûre Karanfil Nasrâniye zimmetinde deyni olduğunu mezbûre Yaşimo Nasrâniye bi-tav‘ihâ ikrâr ve i‘tirâf vekîl-i mezbûrun bi’l-vekâle ziyâde müdde‘âsını otuz guruşu inkâr etmekle ziyâde için vekîl-i mezbûr beyâna havâle olunduktan sonra ikrârı mûcebince yüz guruşu edâ ve teslîme mezbûre Yaşimo Nasrâniyeye tenbîh olunduğu mübâşiri el-Hâc İbrahim Çavuş kulları iltimâsıyla huzûr-ı âlîlerine i‘lâm olundu. Fî 17 Muharremi’l-harâm sene 1155