Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 158 Hüküm no: 244 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar Yeni mahalle sakinelerinden Gül ve oğlu Kirkor’u taciz eden Haçador’un uyarıldığı Ma‘rûz, Üsküdar’da Yeni mahalle sâkinelerinden olup zâtı vech-i şer‘î üzere mu‘arrefe olan Gül Nasrâniye karındaşı Terzi Haçador muvâcehesinde karındaşım mezbûr Haçador hâl-i sıgārından beri terbiyemde olup mahalle-i mezbûrede oğulluğum ile ma‘an sâkine olduğum menzilime gelip bana itâle ve ta‘cîz eder deyü muvâcehesinde teşekkî ve ahâlî-i mahalleden Papa Artin ve Mardiros ve Manas ve sâir müseccelü’l-esâmî on beş nefer re‘âyâ mezbûr Haçador için gerek mezbûre Nasrâniyeyi ve gerek oğulluğu Kirkor zimmîyi ta‘cîz ve rencîde eder deyü her biri ihbâr ve fimâ-ba‘d mezbûrânı rencîde etmemek üzere tenbîh olunduğu bi’l-iltimâs huzûr-ı âlîlerine i‘lâm olundu, bâkī fermân men lehu’l-emrindir. Fî 20 Muharremi’l-harâm sene 1155