Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 162 Hüküm no: 251 Orijinal metin no: [43b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veli Beşe’nin çiftlik sahibi İsmail’e belirtilen meblağ ve hayvanları teslim etmeye razı olduğu Ma‘rûz, Sahib-i arzuhâl Veli Beşe arzuhâlde mezkûr çiftlik sahibi İsmail tarafından vekîl Ahmed Ağa ve Fâtıma Hatun’un dahi zevci ve vekîli Mehmed Ağa hazır oldukları hâlde mezbûr Veli’nin çiftlik-i merkūmu üç senede îrâd ve mesârifinin hesâbı görülüp îrâdı masrafına takās olduktan sonra mezbûr Veli deyn temessüğü mûcebince zimmetinde cihet-i karzdan kırk guruş ile çiftlik-i merkūmdan istihlâk eylediği iki kısrak ve bir tay ve bir yanı malaklı manda ve bir tek öküzü ta‘yîn buyrulan el-Hâc Ali Çavuş kulları mübâşeretiyle teslîme râzı olup bu vechile kat‘-ı nizâ‘ ve fasl-ı husûmet ettikleri bi’l-iltimâs huzûr-ı alîlerine i‘lâm olundu. Fî 24 Muharrem sene 1155