Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 162 Hüküm no: 253 Orijinal metin no: [43b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’ya borç verdiğini ispat edemeyen İbrahim’in muarazadan men edildiği Ma‘rûz, Ekrâd tâifesinden sahib-i arzuhâl İbrahim derûn-ı arzuhâlde mezkûrü’l-ism hasmı es-Seyyid Mustafa muvâcehesinde târih-i i‘lâmdan altı ay mukaddem Üsküdar’da Vâlide mahallesinde vâki‘ hânda yirmi beş guruş yedimden istikrâz etmekle taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını şer‘an isbât edemeyip ityân-ı beyyineden izhâr-ı acz ile istihlâf etmeğin mezbûr es-Seyyid Mustafa ba‘de’t-tahlîfi’ş-şer‘î mûcebince müdde‘î-i sahib-i arzuhâl mezbûr İbrahim bilâ-beyyine bî-vech mu‘ârazadan men‘ olunduğu mübâşiri iltimâsıyla huzûr-ı âlîlerine i‘lâm olundu. Fî 29 Muharrem sene 1155