Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 163 Hüküm no: 254 Orijinal metin no: [43b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar iskelesi yakınındaki berber dükkânını zabtettiğini kabul eden Mustafa’nın dükkânı tahliye edip diğer hissedarlarla teslim etmeye razı olduğu Ma‘rûz, Üsküdar iskelesi kurbünde vâki‘ beher yevm birer akçe icâre-i müeccelesi olan bir bâb berber dükkânı on iki hisse i‘tibâriyle sekiz hissesi Mustafa’nın ve dört hissesi mezbûrun karındaşı müteveffâ Mahmud’un sulbîye kebîre kızları Emetullah ve Hatice ve Zeyneb ve Fâtıma’ya ba‘de’l-intikāl mezbûrât taraflarından vekîl-i sâbitü’l-vekâleleri diğer Emetullah dükkân-ı merkūma altı seneden beri mutasarrıf olan mezbûr Mustafa ile ba‘de’t-terâfu‘ dükkân-ı merkūmu mezbûr Mustafa altı seneden beri bilâ-ücret zabtetmekle müvekkilât-ı mezbûrât dahi hisseleri üzere muhâyeeten zabteylemek murâdlarıdır deyü bi’l-vekâle da‘vâ ettikte mezbûr Mustafa dahi vechi muharrer üzere zabteylediğini ikrâr ve muhâyeeten zabta râzı olmağla sehimleri üzere işbu mâh-ı Saferü’l-hayr gurresinden dükkân-ı merkūmu mezbûr Mustafa ba‘de’t-tahliye müvekkilât-ı mezbûrât dahi muhâyeeten sehimleri üzere dört sene zabteylemelerine mümâna‘at [olunmamak üze]re mezbûr Mustafa’ya tenbîh olunduğu bi’l-iltimâs i‘lâm [olundu]. Fî-gurreti Safer sene 1155