Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 169 Hüküm no: 266 Orijinal metin no: [46a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şikayetçisinin gelmediği çarşamba divanına sürekli çağırıldığından Mustafa’nın rencide edilmemesi için tuğralı emir verilmesi Sâdır olan fermân-ı âlîlerine imtisâlen Mustafa Çavuş kulları mübâşeretiyle derûn-ı arzuhâl mezkûr olduğu vech üzere Üsküdar’a muzâfe Adalar nâhiyesine tâbi‘ Tuzla karyesinden Mustafa Dîvân-ı âlîlerine ihzâr olunup hilâf-ı inhâ İstanbul’dadır deyü arzuhâlde tahrîr olunup dört Çarşamba’dır Dîvân-ı âlîlerinde sahibe-i arzuhâl dîvâna gelmeyip kendüyü ihfâ ve mezbûr Mustafa’yı ta‘cîz üzere olup mübâşir bulup Çarşamba tenbîh eyledikte yine gelmeyip yedinde olan senedât mûcebince sahibe-i arzuhâlin hıyâneti sebebiyle vesâyetten azil ve ihrâc olunup tereke zikrolunan Tuzla karyesinde olduğundan mutlaka ta‘cîz için ihzâr için mübâşir ta‘yîn ile rencîde ve husûs-ı merkūm Adalar nâhiyesinde olmağla Ada nâibi efendi dâ‘îleri huzûrunda istimâ‘ olunup ihzârı için rencîde olunmamak bâbında mezbûr Mustafa yedine tuğrâlı emr-i âlî i‘tâ ve ihsân buyurulmak ricâsına emr-i savâb olmağla mezbûrenin ancak ta‘cîz eylediği bi’l-iltimâs huzûr-ı âlîlerine i‘lâm olundu. Fî 6 Saferü’l-hayr sene 1155