Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 170 Hüküm no: 268 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in Ayşe’ye bilezik bedelini ödemesi Ma‘rûz, Sahibe-i arzuhâl Âişe Dîvân-ı âlîlerinde bu def‘a hasmı Hüseyin ile mürâfa‘a olup alîle olduğundan tarafından husûmete Süleyman’ı vekîl ettikten sonra vekîl-i mezbûr Süleyman dahi iki def‘a Dîvân-ı âlîlerinde mezbûr Hüseyin ile ba‘de’t-terâfu‘ arzuhâlde mezkûr müdde‘âsı olan otuz yedi guruş kıymetli bir çift altın bileziği müvekkilenin emriyle bey‘ ve umûruna harc u sarf eyledim deyü mezbûr Hüseyin emrini isbâttan âciz ve yemîn vermeğe tâlib olmağla müvekkile-i mezbûre Âişe’yi tahlîf için taraf-ı şer‘den kâtib dâ‘îleri mahâllinde ba‘de’t-tahlîfi’ş-şer‘î ümenâ-i şer‘le meclis-i şer‘a gelip inhâ edip mûcebince bilezik kıymeti olan otuz yedi guruş edâya mezbûr Hüseyin’e tenbîh olunduğu bi’l-iltimâs huzûr-ı âlîlerine i‘lâm olundu. Fî 8 Safer sene 1155