Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 171 Hüküm no: 271 Orijinal metin no: [46b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in şikayetinden vaz geçtiği ve Ayşe’nin Mehmed b. Hasan’la evlendirildiği Ma‘rûz, Sahib-i arzuhâl ihtiyâr el-Hâc Hüseyin Üsküdar ustası kulları mübâşeretiyle ahz olunan Mehmed ve karındaşı oğlu Ahmed ve Abdi oğlu Mehmed ve karındaşı Mustafa ve İbrahim ve Fazl muvâcehelerinde arzuhâlde münderic olduğu vech üzere eylediği teşekkîden rızâsıyla fâriğ olup mezbûrûn ile gāib ani’l-meclis Süleyman nâm kimesneleri afv ve ibrâ ettikten sonra mezbûr el-Hâc Hüseyin meclis-i şer‘de sulbiye kebîre kızı Âişe tarafından vekâleten sekiz bin akçe mehr-i müeccel ve elli guruş mehr-i mu‘accel tesmiyesiyle Mehmed b. Hasan nâm kimesneye meclis-i şer‘de mahzar-ı şuhûdda bi’l-vekâle tezvîc ettikte mezbûr Mehmed dahi tezevvüc ve kabûl edip bu vechile beynleri tevfîk ve kat‘-ı nizâ‘ ve fasl-ı husûmet ettikleri cümlenin rızâsıyla meclis-i şer‘de ba‘de’t-tescîl vâki‘ hâl usta kulları iltimâsıyla huzûr-ı âlîlerine i‘lâm olundu. Fî 10 Saferü’l-hayr sene 1155